نولارسئوگیلی جانانیم اولایدین گجه لر 

اینانیب عشقیمه مهمان اولیدین گجه لر

دولاناردیم اشیوا هر گئجه پروانه کیمین

گر منیم شمع شبستانیم اولایدین گجه لر 

یارین بویون قوجاخلادیم یار آغلادی من آغلادیم

ییقیشدی قونشولار بوتون جار آغلادی من آغلادیم

طارم دا نار آغاشلاری منی گوروب دانیشدیلار

بویومو زیتون اوخشادی نار آغلادی من آغلادیم

سوزلریمی دیدیم تارا ، سیملر اولدی پارا پارا

یواش یواش سیزیلادی تار آغلادی من آغلادیم

باشیندا قارلی داغلارا دانیشدیم آیریلیق سوزون

بیر آه چکیب باشیندا کی قار آغلادی من آغلادیم

دیدیم کی حق منیم کی ده باشیمی چکدیلر دارا

طنف کسنده بوینومو دار آغلادی من آغلادیم

یاریم گلدی بالا بالا ایستدی جانیمی آلا

یارجانیمی آلا آلا یار آغلادی من آغلادیم

سن زولفيني آچ توك اوزونه ، شانه سـي مندن

                                زنجيري نشان وئر منـه ، ديـــــوانه سي منـدن

سن عاشقي يانديرماقـا ، من يانماقـــا مايــيل

                                سن شمعيني گوستر منه ، پروانه سي مندن

زلفـون قـدري عاشــق اولان وار سنــه اي گـول

                               سن سويله او مجنونلاري  افسـانه سي مندن

سرمست گوزون فتنه، لبيــن نشئـــه لـي باده

                                ايچديــر منــه اول بـادنــي پيــــمانه سي منـدن

سن ناز ايلـه گول كي صدفين قــيمتي آرتسين

                                كوزياشي كيمي، اينجيسي دردانه سي مندن

هردم گـؤتـور اوزدن گوزه ليــم، افعـي لي زلفين

                                چك ظاهـره گنجينــه ني، ويـــرانه ســي منـدن

واحـيـد مي اي تـــرك ائتـمك اوچــون پيــرمغانيـن

                                رنجيــده اولــوب بيرنئچـه مســـتانه سي مندن

اينجيمه بختيندن باخ زمانيه

زمان اينساتلارا يول نيشان ورير

اوشاق بويوك آنا ديلين بگنمير

اوشاقلار بويوگه يول نيشان ورير

چايلار جوشقون گلير دونياني يئخير

يوخسوللوق چوخالير كاسيبي سيخير

كهريزلر قورويوب سو موتوردان چيخير

لوله لر چشمه يه بئل نيشان ورير

گلين سسين قاينانيا اوجالدير

غم شله سين مرد ايگيدي قوجالدير

اوغلانلار ساچ قويور قيزلار آزالدير

ايندي بي گلينه تل نيشان ورير

آجين مصيبتين نه بيلر توخلار

غيرتلي دردين اورگده ساخلار

پالچيق آراسيندان چيخان قورقودلار

شاهمار ايلانا ديل نيشنان ورير

كه ل  آزاليب بيربيرينن دويوشمور

چاققال اوزون پلنگينن ده ئيشمير

جيرانلار مات قاليب گليب سو ايشمير

قارقالار كهليگه كئول نيشان ورير

ستار نه قدر يازسان سئوز گلير

زمانين بعضي ايشي اورگي دلير

كئوره كن قايناتيا بير حربه گلير

سيله سين وورماغا ال نيشان ورير

سويرم صبحه كيمي ساقي اولام جام وئرم،
سن ايچب مست اولاسان منده سنه جان ورم،
مي وميخانه سنين ساغر وپيمانه سنين،
دوداغینان آخان اوقطره پيمانه منیم…

گؤرسن من نييه يارب بئله نالان اولدوم ؟

غلط ائديم كي سنه واله و حئيران اولدوم!

اودا ياخدين من بيچاره ني پروانه كيمي

آجيغين گلدي مگر عاشيق انسان اولدوم ؟

سود و سرمايه مي مجموع اليمدن آلدين

نييه كيم زاهد اولوب مسجيده دربان اولدوم !

شيخ صنعان كيمي من بوينوما سالديم زنار

ايندي گل گؤر كي كيليسالارا رهبان اولدوم

ائتديم اول ديلبر ترسايا بو گون بير سجده

ايندي بيلديم كي يقين منده مسلمان اولدوم

شكر الله كي من كوفرده بولدوم ايمان

كئچن ايامه نه حاصيل كي پشيمان اولدوم

گل نباتي، دولانيم باشينا، به!به! نه گؤزل

جان وئريب ياره، وفا راهينا قوربان اولدوم

ايسته ميرم يار آغلاسين چال تاري قوي تار آغلاسين
گول اويناسين خار آغلاسين بوغاز گولسون دار آغلاسين
قوي يئره غم پياله سين ، سيل گوزونون شلاله سين
آل گونشين حواله سين ،شاخ قارا قوي قار آغلاسين
يار ندن آغلاسين گره ك؟ بويون بوكولسون آي فلك
دويونجا قويمادين گوله ك ، سيخ ناري قوي نار آغلاسين
خزان يئلي اسن زامان ، شاختا آمان كسن زامان
يار ياريلان كوسن زامان ، كيمسه كيميم وار آغلاسين
صبحه تيكيلدي گوزلريم ، داغلاري آشدي سوزلريم
گيزلين الوودي كوزلريم ، ني اولدو ني زار آغلاسين

صبر ايله كونول محنت هجرانه تلسمه

درد اهلي يئتر صبر ايئله درمانه تلسمه

يـــوسف ده زليخاني محبت له سويردي

سالديردي زليخـا اوني زندانـه تلسمـه

دنيايـه وفا ايئلمه چوخ آغلاما كونلوم

دنيا نه وفا قيئلدي سليمانــه تلسمــــه

کام آلمیــه جاق آیریلیقا باعث اولانلار

عاشيق چاتاجاق سئوگيلي جانانه تلسمه

ایچیرم گؤزلری یوللاردا قالان ساغلیغینا
درد الیندن اوره گی اوتدا یانان ساغلیغینا
چوخ یارالار یئمیشم دونیادا دوست آشنادان
ایچیرم دوست آدینا دوشمن اولان ساغلیغینا
وئرمیشیک یولداش اوچون بوردا جوان عؤمروموزو
ایچیرم یولداشا خاطیر قوجالان ساغلیغینا
یوخدو دوزلوک بو یالان دونیادا یولداشلیقدا
ایچیرم دوزلوک اولان یئرده یالان ساغلیغینا
دوز اولان دوسلوغا هئچ دونیادا قیمت یوخدور
ایچیرم جان وئره یولداشلیق آلان ساغلیغینا
دوز اگر دوست اولا دونیادا یورولماز هئچ کس
ایچیرم یولداشا خاطیر یورولان ساغلیغینا
چال عاشیق، چال سازی دوست عشقینه مجلیسلرده
ایچیرم یولداشین عشقینده چالان ساغلیغینا

گرچه عشق اهلی ایچر بادنی جان ساغلیغینا

ایچرم جام شرابی یارادان ساغلیغینا

ایچرم سلده سارا داغدا چوبان ساغلیغینا

ایچرم مین گول ایچینده بیر تیکان ساغلیغینا

جوانی آیریلیق آخیردا قوجالدار بیلیرم

ایچرم بیر قوجا شکلینده جوان ساغلیغینا