زولفونده نه لازم گؤزه ليم شانه دولانسين

قويما او حرمخانيه بيگانه دولانسين

عيب ائيلمه كويونده دولانسام گئجه گوندوز

شمعين گره ك اطرافينه پروانه دولانسين

ساقي دولانيم باشينا مي جاميني گزدير

سرمست اولوم باشيما ميخانه دولانسين

اول زلفه كؤنول وئرمه، ديير لر منه ال چك

اونسوز نئجه بس بودل ديوانه دولانسين

مجنون نه برابر منه صحرالره قاچدي

عشق اهلي اودير عرصه ده مردانه دولانسين

اغيار ايله اؤز ياريني همدم گؤره ن عاشق

دوشسون او گرك دشت و بيابانه دولانسين

سرخوشلوق ايله عمريني صرف ائيلمه واحد

عارف اونا دير لركي حكيمانه دولانسين

هر باغدا صفا اولمازميش من نه بولييديم

هر گلده وفا اولمازيمش من نه بوليديم

بير بولبولودوم اولموشودوم گوللره عاشيق

يار صحبتيني خوش دانيشان ديللره عاشيق

بو گولومي زنجيره چكن تللره عاشيق

هر تل كي قرا اولمازميش من نه بولييديم

عمروم بويي گوزياشي يوزه اخدي سوزولدي

قان شبنمي هجرونده بو رخساره دوزولدي

ايللردن اوزاق دوشدوم اليم الدن اوزولدي

هر باشدا هوا اولمازميش من نه بولييديم

درديم او قدر چوخدي كي يازماقلا قوتارماز

يار گلمه سه بو قلبيده كي ياره ساغالماز

كيم اديني عاشق قويا غمدن باش اچانماز

بو درده دوا اولمازميش من نه بولييديم

شمعون اودونا بو گجه پروانه اليشدي

هر كيم كي گليليدي او مجلسده باريشدي

يار گلمدي بو گوزده كي قانه قاريشدي

هجرانه چا را اولمازميش من نه بولييديم

عاشق اولدوم کی یاریم دردیمه درمان ائلیه

اي گل سني دنيايه مقابل توتــــــارام مــــــــــــــــــــن

دنيا منيم اولسا سنه خاطر آتـــــارام مــــــــــــــــــــن

ناز ايلمه . منن ائوزوي چكمـه كنـــــــــــــــــــــــ ـــاره

اولدوز اولاسان گويده سنه يول تــاپــــارام مــــــــــن

بیر قوشام،غم لر یوروب،گزمک ده خوش گلمیر منه
 باده لر  بیر بیر  دؤلور، ایچمکده   خوش گلمیر  منه
 غملروندن   بیر  زامان   شاهلیق    ادیردیم    عالمه
سن  گئدن  گوندن  بری  غملرده  خوش  گلمیر  منه
 عطرینی     آللام   سحر   یئل لر   اسنده   سئوگیلیم
 ایل گلیب ایل لر کچیب   گونلرده خوش  گلمیر  منه

من اوزاخ سفره یوللانان گمی

سنی ترک ائدیرم بیر لیمان کیمی

قوخما آیرلیخدان بوراخ الیمی

سئوگی آیرلیخدان، گوجلودو والله

دونیادا نه قدر سئوگی وار بیل کی

سن منیم دیلیمین ازلی ، ایلکی

قوخما آیرلیخدان،اولوم دییل کی

سئوگی آیرلیخدان، گوجلودو والله

سن هله بیلمیسن آیرلیخ نه دیر

هر سفر کونلونو سیخیر، ایللدیر

آیرلئخ جیسمیدی، روح سنینله دیر

سئوگی آیرلیخدان، گوجلودو والله

قورخولو اینتیظار وار آغلار گوزونده

نئچه یالواریش وار بیر جه سوزونده

بیر گون بیلجکسن ائله سن اوزونده

سئوگی آیرلیخدان، گوجلودو والله

نه فرقی، یاخینام یا کی اوزاغام

هله کی سنینم نه قدرساغام

اولسم او دونیادان قایئداجاغام

سئوگی آیرلیخدان، گوجلودو والله

گوز یاشی عبث دیر توکوب گئدجم

کونلومو اودلارا یاخیب گئدجم

من سنه ،هامی یا ثبوت ادجم

سئوگی آیرلیخدان، گوجلودو والله

سقفی ییخیلان منزل ویراندی منیم چون
عشقین اورییم داغلادی یاندیردی کول اتدی

یانام سنه خاطیر اولوم آساندی منیم چون
فرهاد کیمی تیشه ووروپ عشقیمی یازدیم

داغ شاهد اولوپ ایندی ده نالاندی منیم چون
مجنون باخیب احوالیمه لیلی نی اونوتدو

بیر آه چکیپ ضجه ووروپ یاند ی منیم چون
باخ گوزلریمین نوری گدیپ گتمه آماندیر

سن سیز بو بدن پیکر بی جاندی منیم چون

من دئدیم عاشیقم آی قیز ، سن دئدین بوشلا آماندی

من دئدیم سن ده گؤزوم وار ، سن دئدین سئوگی یالاندی

من دئدیم شمعه تای اُول سن ، من ده پروانه تک اُوللام

سن دئدین بیر دایان اوغلان ، بول بو یول درده سالاندی

من دئدیم هئچ بولوسن کی نیه بو کونلوم اُولوب بیر کاسا قان

سن دئدین بَللیدی گؤز اُوخ دی قاشیمدا کی کاماندی

من دئدیم سئوگی منی بیر قوجا اوغلان الییب

سن دئدین آی قوجا مجنون یئری گئت ن..... جاواندی

اذن وئر تــــوی گئـــــجه ســی من ده سنه دایه گلیم

ال قاتانـــدا ســــــنه مشــــــــاطه تماشـــــایه گلــــیم

سن بو مهتاب گئجه سـی سیره چیخان بیر سرو اول

اذن وئر من ده دالونـــــــجا سورونـــــوب ســـایه گلیم

منه ده باخدیـن او شهــــلا گـــــوزوله من قـــــارا گون

جراتیم اولمــــــادی بیر کلمــــــه تمنـــــــایه گلـــــــیم

من جهنـــــمده ده باش یاســــــدیقا قویســام سنیله

هئچ آییلمــــام کـــــی دوروب جنت مــــاوایه گلــــیم

ننه قارنـــیندا دا سنـــــله اکیــــــز اولســــــایدیم اگر

ایسته مزدیم دوغولوب بیـــــر ده بو دونیـــــایه گلیم

سن یاتیب جنتی رویاده گورنـــــــده گئــــــجه لــــــر

منده جنتده قـــوش اوللام کی او رویـــــایه گلــــــیم

قیتلیغ ایللر یاغیــــشی تک قورویوب گوز یاشیـــمیز

کوی عشقونده گــــــــرک بیــــــرده مصـــــلایه گلیم

سنده صحرایه مارال لار کیمی بیر چیخ نولـــی کی

منده بیر صیده چیخانلار کیـــمی صحــــرایه گلیـــــم

آلــــلاهوندان سن اگر قوخمــــیوب اولســـان ترسا 

قورخـــــورام منـــــده دؤنــــوب دین مسیحایه گلیم

شیخ صنعان کیمی دونقـــــوز اوتــــــــاریب ایللرجه

سنی بیر گورمک ایچــون معبـــــد ترســــــایه گلیم

یوخ صنم! آنــــــــلامادیم، آنلامادیــــــم حاشـــــا من

بوراخیم مسجدیــــــمی سنـــــــله کلیسایه گلیم!

گل چیخاق طور تجلایه ســـــن اول جلــــــوه طور

منده موســــی کیمـــــــی او طـــوره تجلایه گلیم