زولفونده نه لازم گؤزه ليم شانه دولانسين

قويما او حرمخانيه بيگانه دولانسين

عيب ائيلمه كويونده دولانسام گئجه گوندوز

شمعين گره ك اطرافينه پروانه دولانسين

ساقي دولانيم باشينا مي جاميني گزدير

سرمست اولوم باشيما ميخانه دولانسين

اول زلفه كؤنول وئرمه، ديير لر منه ال چك

اونسوز نئجه بس بودل ديوانه دولانسين

مجنون نه برابر منه صحرالره قاچدي

عشق اهلي اودير عرصه ده مردانه دولانسين

اغيار ايله اؤز ياريني همدم گؤره ن عاشق

دوشسون او گرك دشت و بيابانه دولانسين

سرخوشلوق ايله عمريني صرف ائيلمه واحد

عارف اونا دير لركي حكيمانه دولانسين